ليلى... الأثر اللي عمره ما يغيب

فيه أرواح بتسيب فينا أثر بيعيش مهما الزمن بيجري و"ليلى" كانت واحدة من الأرواح دي...

من 8 سنين، ليلى المتطوعة في نشاط الإطعام سبقتنا لكن روحها الطيبة وذكرى حبها للخير فضلوا معانا. 

ولأننا مؤمنين إن الأثر بيعيش... كل سنة بنعمل قافلة كبيرة تحمل اسمها عشان يكون عمل صالح ليها وتفضل ذكرى عطائها منورة في قلوبنا وقلوب الناس.

القافلة دي كانت رسالة حب مننا لروحها، وقدرنا من خلالها نقدم:

 * 500 وجبة دافئة وصلت لكل محتاج.

 * 150 علبة حلاوة مولد، عشان تفرح البيوت الشقيانة.

 * حفلة فرحة لـ 150 طفل، كانت كلها ضحك وأمل.

 الأثر اللي بنزرعه... بيوصل لقلوب حتى بعد ما نغيب.