حكاوى قنا - احنا الحكاية
( ‎قوافل خارجية - مصر الجديدة‎ نشاط )

15 فبراير 06 مساءاالى18 فبراير 07 صباحا
المطلوبين
200
المشتركين
0
المهتمين
0

معقول لا مش معقول طيب يلا نحكي ع طول 
#كامب_حكاوي_قنا يعني ايه يعني الشعار بتاعنا #احنا_حكايه 
هتعرف كل ده في الكامب معانا لازم تيجي معانا 

#حكاية بيوت من طين .. بيننا و بينها حنين
بيوت بتقولك زورونى كل سنة مرة " و جيه معاد الزيارة " عشان هنبني ليهم بيوت يعيشوا فيها 

#حكاية اوضة نومهم من غير سقف !! ايوة من غير سقف 
بيتبهدلوا ف الشتا من المطر و في الصيف من الشمس 
متخيل احساسهم لما يبصوا فوقيهم ويلاقوا السقف بدال القش من أبسط حقوقهم يلاقوا سقف يتستروا تحتيه " و جيه معاد الزيارة " عشان هنبني ليهم الاسقف 

#حكاية عندهم عروسة لسة جهازها مكملش .. ممكن يأجلوا الجوازة كلها عشان بوتاجاز ناقص او غسالة او ثلاجة و مش معاهم تمنة 
عارف احساس عروسة فرحها يقعد بتأجل كل شوية عشان اهلها مش عارفين يجهزوها 
" وجيه معاد الزيارة " عشان نجهزلهم ونفرحهم ونسعدهم 

#حكاية طب عمرك دخلت على مسنة و قعدت معاها شوية و حسيت بيها ... احساس الوحدة و السن دة بيبقى صعب عليهم ... مع ان من اطيب المسنين مسنين الصعيد بالذات .. هاتتبسط جدا و انت قاعد معاهم .. انت الى هاتفرح من هما ^_^ 
" جيه معاد الزيارة " عشان هنقعد معاهم ونسعدهم ونفرحهم 

احنا هانعمل دا كلة ف كامبنا .. 
ايوة هانعمل اسقف .. 
هانجهز عرايس و هانوزع اجهزة عينية ..
هانعمل اعمار مساجدا 
هانعمل بناء بيوت
هانزور مسنين 
هنعمل حفلات اطفال 
وهنوزع اطعام 
ومشاريع 

فرح الناس وسيب فرحتك علي الله
هتفرح غصب عنك.... بس انت فرحهم
#فرح أرملة بجهاز بنتها اللي ياما حلمت انها تشوفو
#فرح بيت عطشان اهل بيته حلمهم يفتحو الحنفية يلاقو ماية
#فرح اطفال هتعلمهم الصلاه والوضوء وصدقة جارية ممكن تفوق وصلة الماية كمان
#فرَّح_إفرح_عمرك_ماتبات_حزين

حابب تشاركنا .. حابب تيجي معانا و تعيش يومين من اجمل ايام حياتك عمرك ما هاتنساهم حابب تكون قد المسئولية 

حابب تجرب احساس انك تساعد ناس متعرفهومش لا و كمان جايلهم من اخر الجمهورية .. هاتسافر 600 كيلو عشان تروحلهم .. صدقنى هاتحس بإحساس جميل جدا .. انك انسـان

كامبنا هايبقى يوم الخميس 15/2
هانتجمع الساعة ٦م قدام الفرع 

الرجوع هايبقى الأحد الساعة ٧ ص أن شاء الله 18/2 

**** الحجز فى الكامب لازم الحضور للفرع لعمل الإنترفيو 
هذا الكامب للموجودين ف القاهرة فقط 
ولازم الحضور للانترفيو 

منتظرينكم فى الفرع لعمل الإنترفيو 
لحد مايكتمل العدد
العدد محدود جدا جدا فعلا 

*******اشتراك الكامب ٥٠ جنية *****


* عايز تعرف لية اسم الكامب ( حكاوي قنا ) ؟؟ .. تعالى معانا و انت تعرف ف السكة

عايز تنبسط... اطلع معانا قوافل 

حياتك تستاهل انك تعيشها في خدمة اللي محتاجك ^^

للاستفسار تابعنا على رسائل الصفحة .. او على أكونت القوافل 
https://www.facebook.com/qwafl.aljdydh


عنوان فرع مصر الجديدة : 
11 شارع احمد عبد الخالق – خلف بنك CIB – ميدان الحجاز ( واللي يسأل ميتهش )


ولو تُهت او عايز تستفسر عن اي حاجة
دي ارقمنا :

للاستفسار 
01125884682 
01023827836

او عن طريق الواتس اب 
01141484991

 

حكاوى قنا - احنا الحكاية

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.