دمـــــ ـى دمــــ ــكـ
( فريق انقاذ الحياة - المهندسين‎ )

03 أغسطس 04 مساءاالى03 أغسطس 10 مساءا
المطلوبين
1000
المشتركين
0
المهتمين
0
 
_انت مين
_انا مين انا منقذاوي انا جندي من جيش في الخير علي طول ساعي انا بطل من ابطال رساله 
_يعني ايه
_يعني انا كيس الدم في ايد اطفال الثلاسيميا انا اول واحد بكون في بنك الدم لما بيفتح انا اللي رقمي في كل بنك دم انا الابتسامه في وشوش الاطفال انا دمي في 170طفل الثلاسيميا 
_الله بجد طيب انا عايز اكون منقذاوي زيك اعمل ايه
_انت ممكن تيجي بكره من 4ل 9عندنا حمله تبرع بالدم في فرع رساله في 11شارع مصدق الدقي امام مستشفي ابن سينا

الحملات بالتعاون المركز الطبي لخدمات نقل الدم 
لصالح اطفال انيميا البحر المتوسط ... واصحاب العمليات
______________________________________________
قااااااااااالك :
"عندى أنيميا"

- هناخد نقطة دم واحدة من صباعك هنعرف بيها نسبة الهيموجلوبين فى دمك بكل دقة , إحنا مهتمين بسلامتك قبل أي حاجة تانية

خايف من شكة الإبرة ..

الشكة اللي انت خايف منها دي الطفل المريض بيتمناها وفي أسر بالنسبالها الطفل ده هو المستقبل كله .. ومتخافش مش هتحس بألم

خايف إن الدم اللي اتبرعت بيه ده يتباع ..

الدم اللي إحنا بنجمعه بيتصرف مجانا لأطفال الثلاسيميا اللي محتاجينه بعد عمل كل التحاليل اللازمة عليه .

فصيلة دمي منتشرة جدا وانتوا مش محتاجينها ..

كل فصايل الدم مطلوبة بشدة خصوصا المنتشر ده لأنها زي ما منتشرة في المتبرعين بتكون منتشرة برضه في المرضى وبالتالي أكتر الفصايل انتشارا هي نفسها أكتر فصايل محتاجينها

فصيلة دمي نادرة وهتبرع في في الطوارئ بس ..

في مرضى محتاجين الفصيلة النادرة دي مدى الحياة وكل واحد فيهم هو حالة طوارئ في حد ذاته .

أنا خايف أي عدوى تتنقلي وأنا بتبرع ..

التبرع بالدم مبينقلش أي نوع من الأمراض .. ده غير إن كل الأدوات اللي إحنا بنستخدمها معقمة ومن مصدر مأمون .. عكس العربيات اللي بتقف في الشوارع مش معروف مصدرها .

أنا جسمي رفيع وممكن مقدرش أتبرع ..

لو وزنك أكتر من 50 كجم مفيش أي خوف عليك

أنا اتبرعت قبل كده كتير ..

انت تقدر تتبرع بشكل مستمر طول حياتك طالما بتلتزم بالفترات اللي أعلنت عنها منظمة الصحة العالمية ,, وهي 3 شهور للذكور و 4 للإناث .

طيب أنا كنت عيان قبل كده .. وممكن مبقاش لائق للتبرع ..

مش كل الأمراض اللي اتصبت بيها تمنع التبرع .. وفي أمراض بتأجل التبرع بس فترة معينة بعدها ممكن تتبرع عادي ..

بطل أسئلة هنا بس وتعالى عندنا يوم الخميس الموافق 3-8-2017 وهناك هتلاقي الدكتور اللي هيقولك إذا كنت لائق للتبرع ولا لأ ..
الحمله بالتعاون مع المركز القومي لخدمات نقل الدم

الحمله في كل فروع جمعيه رساله
ممكن كمان تتواصلوا معانا علي رقم النشاط : 01093572022-01099974235 - 01128885540

دمـــــ ـى دمــــ ــكـ

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.