رقم قياسي
( نشاط قوافل خارجيه حلوان )

15 فبراير 09 صباحاالى18 فبراير 08 صباحا
المطلوبين
150
المشتركين
0
المهتمين
0

قوافل خارجيه حلوان تدعوكم لقافله رقم قياسي في محافظه الاقصر 
وهدفنا هو تحقيق اكبر رقم قياسي في القتل 
كله يجي معاه سلاحه 
وبالنسبه لمواعيد القافله وشروط الاشتراك هتلائوها تحت 

رد فعل المتطوعين لما شافو الاعلان 
**ايه يا عم ده ...
بيقولك فرع حلوان عامل قافله هيحقق اكبر نسبه قتل 
اكبر نسبه قتل 
ليه رايحين نحارب مين 
لا وايه بيقولك كلو يجي معاه سلاحه انا مش متفائل 
#رسلاوي_بيقول 
فاكر قصه سيدنا موسي والخضر 
أما السفينه و أما الغلام و أما الجدار !!
الأفعال اللي كان بيعملها الخضر كانت ظاهرها شر لكن في باطنها خير
وخير جدا كمان 
علشان كده قبل ما تحكم علي الامور تبص علي باطنها مش ظاهرها 
ولما قولنا رايحين نحارب فعلا مغلطناش 
رايحين نحارب الفقر
لما نسد ابسط احتياجات الاسر زي سقف او وصله مياه 
حرب ضد الجهل لما نعمل شهادات محو الاميه وحفله للاطفال نعلمهم قيمه
حرب ضد الوحده لما نزور مسنين 
حرب ضد اليأس اللي بيدب في قلوب الاهالي لما بنتهم علي وش جواز ومش قادرين يجهزوها 
واهم حاجه حرب ضد نفسك لو في يوم جه بالك احساس عدم الرضا علي النعم اللي ربنا ادهالك 

حضر كل الاسلحه دي وتعالي 
1 املاء الاستماره دي 

https://goo.gl/forms/iKIECMmg0WEKnaPr2

2- استعد للمقابله ودفع مبلغ رمزي اشتراك للقافله 30 جنيه لصالح النشاط 

3- ان تكون من سكان حلوان وما حولها 

نعتتزر لاي حد بيحب يطلع معانا من محافظات لظروف خارجه عن اردتنا 

اما برنامج القافله فهو التجمع الخميس 15 فبراير الساعه 9 مساء والعوده الاحد الساعه الثامنه صباحا علي ان تستلم برنامج القافله بالتفصيل خلال الانتر فيو بعد تأكيد الحجز ودفع الاشتراك 
اخر معاد للحجز 2 فبراير او اكتمال العدد 
العدد محدود جدا فسارع بالحجز

رقم قياسي

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.