قافلة بداية
( ‎قوافل طبية - اكتوبر‎ )

13 أكتوبر 08 صباحاالى13 أكتوبر 08 مساءا
المطلوبين
200
المشتركين
1
المهتمين
0

قافلتنـــا القادمـة بإذن الله:

المكان >>> البحيرة قرية كفر زيادة

* يوم الجمعه الموافق 13/10/2017
*التجمع :8:30 ص
*التحرك 9:30 ص
*الرجوع 8:30 م
التجمع امام رسالة فرع اكتوبر 
امام حديقه الحصرى 

الهدف : 7.000 مستفيد 

تعالى وهات صاحبك معااااك 

كلنا بشر و كلنا ممكن نمرض مش كده؟ لما ده بيحصل لأي حد فينا بنروح للدكتور و نشتري بعدها الدوا...

جربت قبل كده تكون مريض و ميكونش معاك تمن كشف الدكتور ولا تمن أقل دوا ممكن تشتريه؟ طيب جربت تكون مريض و يكون معاك تمن كشف الدكتور بس أقرب مستشفى أو عيادة دكتور ليك بينك و بينها ساعات؟

أنت و أنا الحمد لله مجربناش الإحساس ده و يا رب ما نجربه ولا نشوفه أبدا... بس تعرف ان فيه غيرنا الوضع ده واقع بالنسبة ليهم عايشين فيه و بيعانوا منه طول عمرهم؟

عايز تعمل معانا حاجة نشكر بيها ربنا على نعمه و أفضاله علينا؟

تعالى معانا لقرية فقيرة ماديا و محرومة من كل الخدمات الطبية و شارك في قافلتنا الطبية و اللي هنقوم فيها بــ:
* استقبال المرضى من أهل القرية و تقديم خدمة الكشف الطبي عليهم بواسطة الأطباء المتخصصين ...
* عمل التحاليل الطبية اللازمة للمرضى بواسطة معملنا المتنقل ...
* صرف الأدوية اللي هتكون معانا لكل مريض بعد انتهاء الكشف و تشخيص المرض ...

كل ده هيكون بالمجان و بدون أدنى تكلفة على أهل القرية البسطاء و بمساعدة كل المتطوعين معانا في كل المجالات الطبية و غير الطبية...

محتاجينك معانا لأن دورك مهم أيا كان تخصصك:
* لو طبيب: هتقدم خدمة الكشف الطبي عالمرضى او هتساعد الطبيب لو انت طالب طب ...
* لو دكتور تحاليل: هتقدم للمرضى التحاليل الطبية اللازمة...
* لو صيدلي: هتساعد الصيادلة في صرف الأدوية للمرضى...
* لو متطوع عادي بعيد عن المجال الطبي: محتاجينك معانا في تنظيم القافلة و تنظيم تحركات المرضى داخل مكان القافلة...

لا تنس دعوة كل من تعرف للمشاركة معنا عملا بحديث رسول الله صلى الله عليه و سلم: "من دعا إلى هدى ، كان له من الأجر مثل أجور من تبعه ، لا ينقص ذلك من أجورهم شيئا" رواه أبو هريرة في صحيح الترمذي..

 

قافلة بداية

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.