كامب أسوان ( روح الاباء )
( قوافل خارجية - مصر الجديدة‎ )

17 أغسطس 03 مساءاالى20 أغسطس 04 صباحا
المطلوبين
300
المشتركين
2
المهتمين
2
بيوت من طين .. بيننا و بينها حنين
بيوت بتقولك زورونى كل سنة مرة
و جيه معاد الزيارة

بيوت مكتوب عليها " يا ضيفنا لو زورتنا لوجدتنا نحن الضيوف وأنت رب المنزل "

بيوت ممكن تكون بتعانى من جوة .. بس هاتظهرلك كل جميل لانهم متعففين 

اوضة نومهم من غير سقف !! ايوة من غير سقف 
بيتبهدلوا ف الشتا من المطر و ف الصيف من الشمس 
بس راضيين 

عندهم عروسة لسة جهازها مكملش .. ممكن يأجلوا الجوازة كلها عشان بوتاجاز ناقص و مش معاهم تمنة 

عارف احساس عروسة فرحها يقعد بتأجل كل شوية عشان اهلها مش عارفين يجهزوها 

طب عارف احساس الى نايم ف الاوضة و الدنيا بتمطر فوقة و مش عارف ينام من المية الى بتنزل علية ؟؟ 


طب تعرف ان فية بيت كاامل اتحرق و بقى فحم .. اهلة مش عارفين يعملوة .. بيشتغلوا بإيديهم يومين و يجيبوا عمال ف اليوم التالت تكمل عشان مش معاهم فلوس 

دا غير حالات البناء الى الناس فعلا محتاجاها عشان بيوتهم لا تصلح للسكن و ممكن تقع ف اى وقت 

طب عمرك دخلت على مسنة و قعدت معاها شوية و حسيت بيها ... احساس الوحدة و السن دة بيبقى صعب عليهم ... مع ان من اطيب المسنين مسنين اسوان بالذات .. هاتتبسط جدا و انت قاعد معاهم .. انت الى هاتفرح من هما  

احنا هانعمل دا كلة ف كامبنا .. 
ايوة هانعمل اسقف .. 
هانجهز عرايس و هانوزع اجهزة عينية ..
هانعمل اعمار للبيت الى اتحرق 
هانعمل بناء بيوت
هانزور مسنين 

حابب تشاركنا .. حابب تيجي معانا و تعيش يومين من اجمل ايام حياتك عمرك ما هاتنساهم 

حابب تجرب احساس انك تساعد ناس متعرفهومش لا و كمان جايلهم من اخر الجمهورية .. هاتسافر 1000 كيلو عشان تروحلهم .. صدقنى هاتحس بإحساس جميل جدا .. انك انسـان

كامبنا هايبقى يوم الخميس 17/8/2017
هانتجمع الساعة 3 العصر امام الفرع 

الرجوع هايبقى الأحد صباحا 20/8/2017

**** الحجز فى الكامب عن طريق التسجيل فى الاستمارة و الحضور للفرع لعمل الإنترفيو 

لينك إستمارة الحجز : 
http://bit.ly/Aswancamp


مواعيد الإنترفيو كل يوم من الثلاثاء إلى الجمعة 
من الساعة 5 إلى الساعة 9 مساءا 


* عايز تعرف لية اسم الكامب ( روح الاباء ) ؟؟ .. تعالى معانا و انت تعرف ف السكة

عايز تنبسط... اطلع معانا قوافل 
حياتك تستاهل انك تعيشها في خدمة اللي محتاجك ^^
للاستفسار تابعنا على رسائل الصفحة .. او على أكونت القوافل 
https://www.facebook.com/qwafl.aljdydh

عنوان فرع مصر الجديدة : 
11 شارع احمد عبد الخالق – خلف بنك CIB – ميدان الحجاز ( واللي يسأل ميتهش )
ولو تُهت او عايز تستفسر عن اي حاجة
دي ارقمنا :
للاستفسار 
01125884682 
01022276363

او عن طريق الواتس اب 
01141484991
__________هاااااااااااااااااااااااااااااااااااااااااااااااااااااااااام جدا _____________
مش هتقدر تيجى وعايز تاخد الثواب ؟؟؟ انشر الايفنت وسط صحابك وجيرانك وكل اللى تعرفهم وليك ثوابهم ان شاء الله

لينك صفحتنا الخاصة ( قوافل خارجية مصر الجديدة )
https://www.facebook.com/ECnm1

كامب أسوان ( روح الاباء )

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.