تحت شعار أحلي قصصصنا..الخير ينجي من المهالك

تحت شعار أحلي قصصنا زوج وزوجة من متطوعي جمعية رسالة يشاركون قصتهم ويقولون “احنا معظم الوقت لابسين تيشرتات رسالة فابقينا معروفين في البيت باإننا بتوع الخير

وفي يوم الساعة 7 الصبح لقينا دكتور بيكلمنا وبيحكيلنا عن حالة مسن عايش مع بنته جاتله أزمة قلبية ولإن الدكتور في وقتها كان بعيد عن بيت الحالة كان مش عارف يساعدهم فاقرر يكلمنا أحنا لو نقدر احنا نساعده

وفي وقتها نزلت أنا ومصطفي زوجي وروحنا لبيت المريض ولقيناه فعلا تعبان جدا وكمان كان كفيف فالحالة كانت أصعبوفي ساعتها خدناه وطلعنا بيه على أقرب مستشفي ولإن مصطفي كان لسه متعلم السواقة جديد فكنا مروعبين وخوفنا الأكبر على المسن

بس بفضل ربنا وصلنا بالسلامة واطمنا على المسن وقضينا اليوم في المستشفي في مساعدة الناس وخلصنا اليوم واحنا مروحين العربية كانت هتتقلب بينا وربنا سترها علينا في أخر لحظة وفي الوقت ده حسينا إن الخير اللي عملناه ربنا رده لينا وحمانا ومن يومها وللنهاردة وأنا عارفة قيمة الخير اللي بنشارك فيه جوً رسالة.