تحت شعار أحلي قصصنا يضيف متطوع جمعية رساله قصة جديدة لرصيد خدمات الجمعية الخيري والانساني.

يقظ متطوع رساله قصته ويقول “كنا فى قافلة اجا فطلعنا أول يوم كان تنفيذ أسقف فخلصنا شغل ولقيت ست مسنه كبيرة قاعده على كرسى قدام البيت ولقيتها عاوزة تقوم من على الكرسى و مش قادره فأنا وروحت عشان اقومها فقالتلى هو أنا نديت عليك فقولتلها لا انا شوفت حضرتك عاوزة تقومى ومش قادره وفعلا قومتها ودخلتها جوه فالمهم باقي المتطوعين اللى معايا قلقوا عليا فاجم ورايا وقالولي هو انت بتعمل ايه قلتلهم اللي حصل وروحنا نقعد شوية معاها

فلقيتها بتقولنا هو انتوا جايين هنا ليه قولنالها بنعمل السقف فقالتلنا هو انتم بتاخدوا فلوس قولنا لا احنا متطوعين تبع رسالة قالت طب انت بتشتغل ايه اصلا قولتلها هو دا شغلى فقالت يعنى انت سايب الدنيا كلها وسايب شغلك وجاى تعمل السقف

قولتلها اه فقالتلى ربنا يسهلكم الحال وفضلت تدعيلنا كلنا تانى يوم كنا فى سقف تانى دور و احنا واقفين فى جنب على الجدار اللى هو المبنى والبيت عليه قش المهم فواحد من زمايلنا واحنا واقفين شال عرق اللى هو فى النص فالسقف كله واقع سبحان الله احنا كلنا كنا حوالى 10 منتشرين على السطح لو حد مننا كان فى النص كان مات أو كان حصله حاجه فكلنا لحظتها حسينا ان ربنا انقذنا بسبب دعاء الست” .