تحت شعار أحلي قصصنا..الخير جبر خواطر

تحت شعار أحلي قصصنا تضيف متطوعه رسالة قصة جديدة .

تقول متطوعة رسالة ” هو أنا اصلا ثالثه ثانوي دخلت رسالة من سنة الأول كنت لو شوفت حد محتاج وانا عندى وقت بساعده بس لو أنا مستعجله همشي عشان مفيش وقت فاكنت في وقت امتحانات تانيه ثانوي صاحية متاخر ومفيش وقت و المدرسه بعيده

لقيت طنط كبيرة واقفه وعايزه حد يساعدها توصل المستشفى وأنا معنديش وقت بس فضلت أفكر وافتكرت إن دايما في رسالة بنتعلم إن الخير دائره لو دخلتها مش هتخرج منها غير مجبور الخاطر فافعلا قررت أساعدها ووصلتها المستشفى و روحت الامتحان متاخر بس دا كان أسهل امتحان حليته واصلا ما كنتش مذكراها كويس بس دى كانت أعلى ماده جبت فيها درجات موقف تاني كنت نازلة أشتري دوا وكان معايا سعر العلاج بس

فلقيت واحده بتعيط ان بنتها تعبانه وعايزه تجيب لها علاج وقاعده قدام الصيدليه انا اديت ساعتها مفكرتش ومع ان مكنش معايا غيرها بس اديتها الفلوس ودخلت اشتري لها العلاج وجبت لبنتها اكل عشان تاكل و تاخد الدواء في نفس اليوم بالليل انا جالي فلوس من حته ثانيه عشان اجيب العلاج وبعدها صحتي بقت كويسه جدا وده علمني إن لازم أفضل اساعد وربنا مش هيسبني وهيردلي الخير شكراً رسالة إنك سبب في كل حاجة اتعلمتها

أخبار رسالة

Comments are disabled.