تحت شعار أحلي قصصنا..جمعية رسالة دافع لحب الخير

تحت شعار احلي قصصنا تقول متطوعة جمعية رسالة قصة جديدة تبدأها “أنا كل ما بنزل من البيت لازم اساعد حد حتى لو بحاجة بسيطة جدا بحس إن اليوم بيكمل بالمساعدة ومن مواقف الخير اللي حصلتلي وعمري مانسيتها كان عندنا كورس ومتأخرين جدا لقينا بنت واقفه عرفنا إن موبيلها ضاع ومحدش بيساعدها ولا واقف معاها خالص

فأنا بقولها ايه اللى حصل قالتلى أنا مش عارفه هو ضاع ولا اتسرق ولا ايه وإنه كان مفتوح واتقفل فضلنا معاها لحد ما ميعاد الكورس عدى علينا وجبنا أمن المترو والحمدلله في الاخر وصلنا للموبيل وفي يوم تاني كنت راجعه من رسالة فلقيت بنت قاعدة وواحد بيميل عليها كل شوية فالبنت نزلت

وانا قلت يمكن غصب عنه وكنت لوحدى فلقيت بنت تانى قعدت في نفس المكان ولقيته بيعمل نفس الحركه وبيكررها البنت اتضايقت شوية و ساعتها قولتله على فكره انا واخدة بالى منك من أول ما ركبت لو كررت الحركه دى تانى هقول للناس على تصرفاتك فالراجل بطل يضايق البنت دى وبصلى بصدمة وسكت تماماً وده كله بسبب رسالة اللي علمتني الشجاعه وأفضل اساعد اى حد محتاجني شكراً رسالة انك كنتي سبب في كل الخير ده.