تحت شعار أحلي قصصنا.. جمعية رسالة فرصة للقرب من ربنا

تحت شعار أحلي قصصنا، يروي متطوعي جمعية رسالة أبرز القصص والمواقف التي أثرت بهم. تروي جهاد متطوعة جمعية رسالة قصتها وتقول “كان نشاط قد الحياة وكنت مسئولة عن الشخصية ال vip وقتها على الاستيدج وده خلَّانى أكون حد مسئول فعلاً و برغم أن حصلي مشاكل بس أنا اتعلمت حاجات وقدرت أكون شخص ذو ثقة و أقدر أعمل أي حاجة”.

تستكمل جهاد قصتها وتقول الميزة التانية كانت فك الكرب وده لاقيته في رسالة وقت ما كان عندى اكتئاب وبتعالج منه و روحت اجتماع لنشاط “افرح” وتفاعلت معاهم وعرفت أن النشاط بيدخل البهجة على أى حد وبيحسن من حالته النفسية بشكل كبير، أما الميزة التالتة كانت الشجاعة واتعلمتها في موقف قدرت اتشجع فيه أنى اقول لأ فى جزئية معينة أو على حاجه غلط بتحصل وأن مش المفروض دايمًا نسقف للغلط ولازم نوقفه، وكانت الميزة الرابعة اللي كسبتها هي الدعوة الحلوة فى نشاط صحوة لأنى كنت من فريق التوعية لاقيت أن أكتر حاجه بتشفى القلب عموماً هى الدعوة الحلوة اللي بسمعها من حد فى الشارع لما بنقوله أننا نقدر نعالجك مجانا عندنا فى رسالة لأن فى ناس بيبقى عندهم حالات مدمنة ومش عارفين يعالجوها فأحنا بالنسبالهم فريق إنقاذ والميزة العظيمة اللي كسبتها هي القرب من ربنا والميزة فى رسالة إني بتعامل مع المتطوعين وهم صحبة صالحة بيدعموني في الجانب النفسي، و بيساعدوني على القرب من ربنا بشكل أكبر.”

أخبار رسالة

Comments are disabled.