تحت شعار أحلي قصصنا..رسالة في نجدة كل مريض محتاج

تحت شعار أحلي قصصنا، يروي متطوعي جمعية رسالة أبرز القصص والمواقف التي أثرت بهم.

تروي شروق أحد متطوعي جمعية رسالة بنشاط الRTC وتقول ” كان فى مريضة فى العناية المركزة عاملة عملية و المستشفى خرجتها بسبب أن كان عليها في الحسابات مبلغ 450جنيه، وأنا كنت لسه متطوعه جديدة فى نشاط الRtc برسالة، وقدرت اتكلم مع ناس اعرفهم علشان يتبرعوا وهم اتبرعوا بحاجات بسيطة جداً لحد ما جمعنا مبلغ 150جنيه وبعدين فكرت إزاى أكون متطوعة في رسالة و عارفة بظروف أم مريضة و مش قادره أعملها حاجة، فاتصلت بمسئول النشاط عندنا اسمه أ/عبد الرحمن و فوراً قالَّي روحي إدارة المتطوعين حالاً وهتلاقي المبلغ جاهز عندك، فروحت وأخدت الأم معايا وكان معاها بنتها الصغيرة ودفعت الفلوس

فالدكتور قاللي: انت قابلتيها فى الشارع

قولتله : فالمترو وكانت خارجة من أوضة العمليات علشان تدخل تاني بكيس دم، و اتصلت برسالة وأول ما روحت كانوا مجهزين الفلوس وأدوهالي.

ولما حكيت لأصحابي الموقف أستغربوا وقالولي أنتي إزاي عملتي كدا قولتلهم يا جماعه دي رسالة”.. شكراً بطلتنا شروق على موقفك النبيل والإيجابي.