تحت شعار أحلي قصصنا.. رسالة هتوصل الفرحة لكل محتاج

تحت شعار أحلي قصصنا، يروي متطوعي جمعية رسالة أبرز القصص والمواقف التي أثرت بهم.

عواطف محي متطوعة جمعية رسالة بنشاط إفرح،عواطف بتحكي عن أكتر المواقف اللي أثرت فيها جوا رسالة وبتقول “رسالة علمتني حاجات كتير وكل يوم جديد بيعدي عليا بتعلم من المكان ده أكتر وأكتر، مواقف كتير مرت عليا في رسالة غيرت فيا وفي شخصيتي، ومن المواقف دي لما كنا في مستشفي أطفال مصر وفي طفلة مريضة كانت تعرفني علشان شاركت معانا في إيڤنت فا أول ماشافتني فضلت تحضني وتضحك معايا، ساعتها حسيت قيمة الخير والفرحة والسعادة اللي بنوصلها لغيرنا، وعمري ماهنسى دعوات المحتاجين لما بنطلع قوافل مساعدة، أنا عايشة بدعوات الناس دي وفرحتي بتبقي أضعاف لما بحس اني كنت سبب ولو بسيط في مساعدتهم، مواقف الخير والفرحة في رسالة مبتنتهيش،علشان كده رسالتنا هتكمل وبالخير هنوصل ونفرح كل محتاج.