تحت شعار أحلي قصصنا..رساله ” خلتني شخص تاني”

تحت شعار أحلي قصصنا يروي متطوع جمعية رسالة قصة جديدة تُضاف لرصيد رساله الخيري والانساني. يبدء متطوع رساله قصته ويقول:-

“فى 2017 دى كانت أكتر فترة مؤذية فى حياتى طلعلى فيها مشاكل كتير كنت دايما بسال نفسي أنا موجود فى رسالة ليه كنت بطلع أعمار أو أشوف قافله مثلا فكان فى قافله فى كفر الزيات وقتها اتعلمت فيها حجات كتير جدا كنت الفنى بتاعها ووصلت المايه لبيت فى كفر الزيات بعد ما حفرنا وخلصنا الست ندهت عليا اللى فى البيت قالتلى عارف أنا لو شيلت الطرحة بتاعة بنتى دى انت هتلاقى شعرها واقع من كتر شيل المايه ربنا يستركوا يا بتوع رسالة ربنا ينجحكوا كل نقطة ماية نزلت وكل نقطة مايه احنا بنشرب منها انتوا بتاخدوا ثواب فيها الست فضلت تدعى كتير جدا لدرجة انى معرفتش امسك او اسيطر على نفسى فضلت 5 دقايق ابكى على نعمه رسالة ونعمه الاستخدام حسيت وقتها ان المشاكل اللى فى حياتى تافهه جدا ولولا رسالة مكنتش وصلت للحد دا فالحمد لله على نعمه ربنا والست دى جبرت بخاطرى رسالة خلتنى إنسان تانى بسبب الخير شكراً رسالة على وجودك في حياتنا”.