تحت شعار أحلي قصصنا ..متطوعات رسالة ” بنات ب١٠٠ راجل” تحت شعار أحلي قصصنا نرصد لكم إحدي قصص متطوعات جمعية رسالة اللذان يطلق عليهن بنات ب ١٠٠ راجل.
يحكي أحد متطوعين جمعية رسالة قصة زميلته ويقول ” بنت ب 100راجل تحملت آلم جرحها نتيجة عضة كلب..
وهي متطوعتنا العظيمة منار عبدالحليم ليدر لجنة اقرأ برسالة فيصل” كان يوم إيڤينت معرض “العسل” ومنار كانت في طريق دخولها المعرض فاتصلت بأحد المتطوعين لمعرفةًمكان الدخول.
لاحظ الزميل أثناء وصفه لها الطريق بتصرخ بشكل هيستري وهو على التليفون معها. يستكمل القصة ويقول ” لكن محدش بيرد عليا وبعد حوالي خمسة دقايق عرفت إنها عضها كلب من الحديقة، فاتواصلت مع إحدى المتطوعات وعرفت إنها هيخدوها الي أقرب مستشفى..
وبرغم من وجع منار وإنها كانت بتصرخ من الألم لكن كانت بتقول للمتطوعين: “كملوا اليوم عادي و كل واحد منكم عارف هيعمل إيه يلا ادخلوا المعرض” ولما منار رجعت من المستشفى رفضت إنها تروح بيتها ترتاح مع إن المتطوعين كانوا موجودين لكن متطوعتنا استحملت الألم و قالت: “لا أنا هكمل اليوم ولازم أكون موجودة علشان ماينفعش اسيب المعرض والمتطوعين.”
و حاولت تداري وجعها وماحدش من المتطوعين حس، إنها ممكن تكون تعبانه وجات المعرض ووزعت الناس كل واحد في مهامه.