تحت شعار أحلي قصصنا..متطوعة رسالة تتسبب في رجوع مسن مفقود لأهلة
تحت شعار أحلي قصصنا تُضيف متطوعة جمعية رسالة قصة جديدة تُضاف لرصيد عطاء جمعية رسالة المعنوي والإنساني .
تسرد أحد متطوعي رسالة قصة حدثت معاها بالفعل وتقول” كنت خارجه من بيتي فى مدينة نصر شفت مسن فى الشارع مرمى على الأرض و الناس بتعدي من جمبه محدش مهتم بيه خالص، لفت نظري ورحت جريت ناحيته قعدت أحاول أتكلم معاه مبيتكلمش قعدت أشد فيه وإتكلمت معاه لحد ما بدا ينطق”.
تستكمل قصتها وتقول “سألته أنت منين لحد ما عرفت اسم الشارع اللى هو ساكن فيه راحت الشارع و دورت علي بيته ووصلت لولاده وجبت ابنه راح لابوه باسه وحضنة وباس إيدة وراسه وقال أبويا متغيب من أربع أيام “.
بتختم قصتها وتقول ” أنا كنت سعيدة جدا ان تسببت في رجوع المسن لأهلة وإن كنت مختلفة عن باقي الناس ومقولش انا مالي ومشيت و صممت إن اروح للمسن وأعرف قصته وأساعده لأن دا من تعاليم رسالة ليا”.