تحت شعار أحلي قصصنا..متطوعة رسالة ” فعل الخير يُنجّي صاحبه من كل سوء”

تحت شعار أحلي قصصنا تُضيف متطوعة جمعية رسالة قصة جديدة تُضاف لرصيد عطاء جمعية رسالة المعنوي والإنساني . تقول إسراء إحدي متطوعين جمعية رسالة قصتها تحت شعار ” فعل الخير ينجي صاحبه من كل سوء”.

تبدأ إسراء سرد قصتها وتقول ” البداية كان في عندنا في البلد حوادث خطف بنات بطرق مختلفة، وكانت والدتي قبل مانزل من البيت تأكد عليا أن ماكلمش وماساعدش حد، فحصل موقفين، الأول: كان ست شفتها مش قادره تمشي وطلبت مساعدة مني فساعدتها ووصلتها” .

وتستكمل كلامها وتقول ” في موقف تاني عبارة عن كان فى عربية إسعاف و أنا بخاف من الحقن وكان أول مره اتبرع بدمي وكنت خارجة مع صاحبتى وماما عارفة، فصاحبتى سابتنى ومشيت وأنا شفت عربية التبرع ودخلتها وكنت خايفة جداً وطبعا تعبت المهم والدتي اتصلت بيا وقولتلها أنا في عربية الإسعاف بتبرع بالدم، و الدكتور خد مني التليفون قالها إسراء معانا هنا تعالي خديها، والدتي اتخضت واتضايقت مني، بس قولتلها طلما أنا نيتى خير فأكيد ربنا هيرضى عني ويحميني.

وختمت إسراء قصتها لتتابع سرد قصة أخري مع متطوعة أخرى مسئولة عن نشاط فرز الملابس اسمها “منى صالح” ، تواصل إسراء حديثها بروي القصة وتقول ” كان في بنت رنت عليها وكانت محتاجة لبس، و منى نزلت لها في وقت متأخر علشان توفر لها اللبس، وهي مروحه عملت حادثة ودماغها اتفتحت والجرح كان عميق من عند الجمجمة، فإسراء بتقولها “عايزة أعرف أنتِ إزاي نجيتي من الحادثة، فمنى افتكرت الخير اللي عملته وقالتلها أن فى نفس الليلة ساعدت محتاجة وربنا نجاها بسبب الخير.