تحت شعار أحلي قصصنا..مع رسالة هتعرف قيمة الخير

تحت شعار أحلي قصصنا، يروي متطوعي جمعية رسالة أبرز القصص والمواقف التي أثرت بهم.

تقول “أسماء رمضان إحدي متطوعات جمعية رسالة أكتر موقف أثر فيا جوا رسالة في حفلة رد الجميل كنا مرافقين للمسنات، روحنا جبناهم من القرية وفضلنا معاهم لحد ما وصلناهم للحفلة، وبعد الحفلة لقيت مسنة منهم بتدعيلى

وبتقولي، “ربنا يكفيكى شر طريقك”، ساعتها فرحت جدا بالدعوة بس مركزتش فيها أوي بعدها بفترة سافرت أنا واخويا الصغير بالقطر والقطر بيتحرك في طوبة دخلت من ناحية شباك اخويا وفتحت دماغه، ساعتها كنت مش عارفة اتصرف وأنا في طريق بين محافظتين ولوحدي ومش معايا حد يساعدني وفي لحظة واحدة لقيت القطر اتقلب وحرفيا كل الموجودين بيحاولوا يساعدوني ويعملوا الإسعافات الأولية
لدرجة إن في ناس منهم عرضوا ينزلوا معايا المحافظة الجاية علشان يوصلونا للدكتور بس أنا رفضت واستنيت المحافظة بتاعتى وفعلا وديت اخويا للدكتور والحمدلله عدت على خير.

بعد الموقف ما خلص افتكرت دعوة المسنة وحسيت إن دعوتها هي اللي نجدتني وإن ربنا سخرلي الناس اللي ساعدتني بسبب المسنة دي، وأخيراً عايزة أقول شكراً لرسالة اللي بسببها عرفت قيمة الخير”.

أخبار رسالة

Comments are disabled.