تحت شعار أحلي قصصنا.. فريق الاستشارات الطبية ينقذ والدة سمر من الكورونا

تحت شعار أحلي قصصنا.. تعرض جمعية رسالة أهم القصص الواردة اليها من متابعيها لتوضيح حجم التأثر الفعلي الإيجابي خلال الفترة الماضية بسب شن الجميعة عدة حملات للتصدي ضدد جائحة فيروس كورونا ممن أهمها حملة فريق الاستشارات الطبية لمتابعة مرضي العزل المنزلي لحظة بلحظة.

وفي هذا السياق قامت إحدي الفتيات تدعي سمر بإرسال قصتها مع الجمعية و دور الفريق في إنقاذ والدتها من فيروس كورونا.

تقول سمر “من كتر إهتمام الدكتور بحالة والدتي حسيت كأني في عيادة خاصة ودافعة فلوس لما والدتي تعبت قلقت عليها جدا وشكيت في أعراض الكورونا وخوفت أنزل بيها أي مستشفي، ساعتها قررت أتواصل مع رقم الواتس اب للإستشارات الطبية التابع لجمعية رسالة من أول دقيقة بعت فيها إني والدتي مريضة ردوا عليا خدوا البيانات وتفاصيل الحالة، وبلغوني إن في دكتور هيتواصل معايا، وفي خلال خمس دقايق فعلاً لقيت دكتور علاء بيكلمني وبيسألني عن حالة والدتي والأعراض اللي بتشتكى منها. لما عرف الأعراض طلب مني تحاليل وكتبلي روشتة مناسبة لحالة أمي وفضل طول اليوم متابع معايا علشان يتأكد من الحالة وإني عرفت الاقي الادوية.

وتتابع سمر قصتها وتقول بليل الساعة ١.٣٠ صباحاً حالة والدتي زادت والحرارة عليت اترددت إني أكلمه في الوقت ده وبعت رسالة أسأله كنت متوقعة يرد عليا تاني يوم، لكن اللي حصل إنه رد في ساعتها وغير جرعة الدوا وعرفني ازاي اتصرف لحد ما التحاليل تطلع.. في اللحظة دي حسيت إن ورايا عيلة بتطمن عليا وفي ضهري، أنا قدرت أكون جنب والدتي وأتصرف صح بفضل ربنا وبفضل دكتور علاء.

وختمت سمر قصتها قائلةً ” شكراً رسالة اللي دايماً في ضهر كل محتاج، الروح اللي في رسالة لو موجودة في مصر كلها كانت هتبقي قطعة من الجنة…شكراً لمساعدتكم في إنقاذ حياة ناس كتير.