تحت شعار أحلي قصصنا.. متطوعة رسالة بنشاط الصم تنقذ زوجة من محاولة قتل

تحت شعار أحلي قصصنا تضيف نادية متطوعة نشاط الصم بجمعية رسالة قصة جديدة تُضاف لرصيد عطاء جمعية رسالة المعنوي والإنساني .

تقول نادية أنها تدخلت في حل مشكلة لزوجة من الصم تعاني من الضرب المبرح والقسوة في المعاملة طوال الوقت من زوجها الذي حاول أكثر من مرة قتلها ولكن باتت محاولته بالفشل.

تحكي نادية وتقول ” هو الزوج والزوجة من الصم وكان بيضربها ويعذبها هي وولادها وحاول يقتلها قبل كدا ٣ مرات وطلبت الطلاق أكتر من مرة مكنش بيوافق فهي رفعت قضية وكان بيماطل في الإجراءات وكل متروح تاخد حاجتها مش راضي يديلها، والفكرة كمان إنه مكنش عايز حد يترجم لها القايمة بتاعتها وكل لما كان بيروح مترجم كان بيعمله مشاكل في شغله، اتوصلوا مع أ.إسلام المصري مسؤل نشاط الصم فرع إسكندرية فرشحني مكانه و رحنا يوم السبت قسم منتزه تاني وبعدين شقتها في نفس المنطقة وكان معنا ظباط وأمناء شرطة والمحامي بتاعها واختها بس مكنش ينفع تترجم لها علشان تقرب لها، وفي الآخر ردع بعد مناقشاات كتير وخناق، الحمد لله طلعنا من المنطقة ع خير وأخدت حاجتها من الشقة.

وتختم نادية قصتها وتقول ” فكرة إنها أخدت حقها ونظرة الإنتصار بعد ما حقها رجع لها وكلامها معايا بعدها كانت عندي بالدنيا ونسيت كل المجهود اللي حصل يومها والبهدلة الحمد لله “.