جلاكسى والدنيا مش ماشية عكسى
( ‏نشاط الإعاقة الحركية )

22 نوفمبر 03 مساءاالى22 نوفمبر 06 مساءا
المطلوبين
300
المشتركين
1
المهتمين
1

مرة زمان واحد سأل أمه قالها يا ماما هو انتى كنتى بتحبى بابا الله يرحمه ؟
ابتسمت ابتسامة خفيفة وعنيها لمعت وقالتله : هحكيلك حكاية .
قبل ما اتجوز ابوك فى فترة الخطوبة كان بيقعد يحكيلى قد ايه هيعيشنى فى جنة وهنسافر لبنان نقضى شهر العسل هناك وكل يوم هيودينى الصبح عند ماما وهو رايح الشغل ويرجع ياخدنى نتعشى بره وهو راجع من الشغل ولما نروح البيت هلاقيه محضرلى كل يوم مفاجأة او هدية .
عنيا دمعت وهى بتحكى وحسيت من كلامها قد ايه هو كان بيحبها وانها كانت بتحبه وقولتلها : الله يرحمه يا رب . فجأة قالتلى : بعد الفرح لقيته واخدنى على موقف السوبر جيت بقوله رايحين فين لقيته مركبنى اتوبيس جمصة وانه حاجز هناك 3 ايام بحالهم من الصدمة متكلمتش . ولما وصلنا هناك لقيت الاوضة اللى هنقعد فيها .. اه اوضة فى شقة مع ناس تانية ولما سألته بعنيا بس قاللى بمنتهى البلاهة : اصلى ملقتش حجز فى اماكن تانية وبردو عشان متحسيش انك لوحدك هههههه
الاوضة نفسها كانت سرير ودولاب وو بس اه والله واحنا راجعين لقيته بيقولى هوصلك عند ماما عشان هنزل شغل النهاردة عشان الراجل اللى كان بيغطى مكانى فى الشغل مراته انتحرت ومفيش غيرى .. انا كدا كدا كنت عاوزة اروح لماما
لما روحتلها وحكيتلها على اللى حصل مبقتش مصدقة وف نفس الوقت قالتلى معلش يمكن اتزنق يمكن ملقاش حجز فعلا وقعدت تديله مبررات كتير وهو راجع من الشغل عدى عليا متأخر قولت أكيد هيصالحنى بقى مانا أكيد هتصالح بعد اللى حصل فيا دا لقيته ودانى على الشقة قولت يمكن محضرلى مفاجأة فى الشقة .. وبصراحة مخيبش ظنى وكان فعلا محضرلى مفاجأة .
ها .. ايه المفاجأة ؟؟؟؟؟؟
دخلت لقيت الشقة كلها عايمة والمية شبرين فوق الارض بصيتله قاللى اصل كنت فاتح حنفية البانيو والمية كانت قاطعة فالظاهر كدا انها عملتلنا مفاجأة وجات ههههههه
ماما ؟؟
كتر ألف خيرك .. انا اسف انى سألتك السؤال دا
انا هعوضك عن كل اللى حصلك فى السنين اللى فاتت ؟؟
هتعوضنى ازاى بقى ؟؟
هتيجى معايا ايفينت نشاط الاعاقة الحركية يوم 22/11 اللى جاى وصدقينى هتلاقى هناك فرحة وسعدة اقسم بالله اكتر من اللى شوفتيه فى اول جوازك هههههههههههه
ينيلك .. ظريف زى ابوك
هنستناكوا يوم 22/11 اللى جاى هنلعب ونضحك ونهزر ونغنى وكمان هنكسب جوايز
تابعونا يوم بيوم وكل يوم لحد يوم الايفينت هيبقى فيه جديد .. هنستناكوا

جلاكسى والدنيا مش ماشية عكسى

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.