"زيارة "شيلتر كارت
( نشاط ارحموا للرفق بالحيوان )

01 فبراير 10 صباحاالى03 فبراير 04 مساءا
سقارة - الجيزة
المطلوبين
50
المشتركين
0
المهتمين
0

يوم الجمعة 1 فبراير هنروح زيارة لشيلتر كارت الخاص بإنقاذ الكلاب وعلاجهم


شيلتر كارت مكان كبير موجود فيه اكتر من 600 كلب .. كلهم كلاب إنقاذ فيه منهم المشلول والأعمى و حالات صعبة جداً نتيجة حوادث فى الشوارع أو أمراض جاتلهم زى أورام سرطانية و مشاكل فى الكبد وغيرهم كتير .. و فيه منهم اللى كان مريض وخف لكن بيتم الاحتفاظ بيه جوة الشيلتر لأنه معرض للأخطار لو رجع الشارع تانى

فريق كارت لإنقاذ الحيوانات هو واحد من أكبر فرق الانقاذ الموجودة حاليا .. مجموعة شباب مكرسين كل وقتهم ومجهودهم عشان ينقذوا حالات كتير من الشوارع بتموت .. بيخدوهم الشيلتر بيعالجوهم ويبذلوا كل مجهودهم عشان مفيش أى حالة تموت أو تتعذب بين ايديهم

للأسف الشباب دول ملهمش أى مصدر دخل ثابت وكل اعتمادهم على التبرعات .. عشان كده هما طالبين مساعدتنا .. محتاجين أكل وأدوية عشان الحيوانات دى
وعشان كده احنا هنروحلهم الزيارة دى إن شاء الله عشان نوفرلهم كل اللى نقدر عليه .. ده غير إننا هنقضى اليوم مع الكلاب دى .. الكلاب بطبيعتها بتحب الناس ونادر لما حد بيروح يزورهم, هنروح نلعب معاهم ونأكلهم ونحميهم

محتاجين مساعدتكم فى المشاركة يوم الزيارة وفى توفير الحاجات اللى هما محتاجينها عشان نقدر نساعد وننقذ معاهم أرواح كتير

 
دى كل الحاجات اللى هما محتاجينها فى المكان :

* الأدوية:
زوراكسون ١ جرام بكميات
الفاكيموتريبسن
الفاكلينداميسن أو البديل دلاسين سي حقن
دوكسي كوست ٢٠٠
امريزول وريد
راني حقن
بقتراسين سبراي
فيوسيدين كريم
ميبو مرهم
اريكسول مرهم
كانيولات زرقا و صفرا
محاليل بجميع انواعها
خرطوم وريد
بلاستر عريض
كحول و شاش و قطن
سرنجات ٣ و ٥ سم
٢ تريموتمر ديجيتال

* الأكل :
دراى فود كلاب وقطط
فراخ مجمدة
كبدة
عيش
أرز
مكرونة
و دهان لاكيه علشان يدهنوا البوكسات الخشب علشان متبوظش من المية والرطوبة
بطاطين



*المكان فى الجيزة - سقارة.. و هنروح بالباص وسعر الفرد 30 جنيه

*فيه نقطتين للتجمع :
1- أمام فرع رسالة مصر الجديدة بميدان الحجاز
2- فى ميدان الجيزة عند عمر افندى

التجمع فى مصر الجديدة الساعة 10.30 وهنتحرك 11
التجمع فى ميدان الجيزة الساعة 11.15 و هنتحرك الساعة 11.45 بالظبط

و هنتحرك من الشيلتر على الساعة 3 أو 4 بالكتير ان شاء الله

*طريقة الحجز :
اللى ساكن جنب فرع رسالة المعادى - مدينة نصر - و حابب يحجز.. يتصل الأول على الرقم الخاص بالفرع و يبلغهم بأنه هينزل للفرع يحجز عشان واحد من الفريق يقابله

فرع رسالة مدينة نصر : 01001145991
فرع رسالة المعادى : 01111944114

و اى حد من منطقة تانية حابب يحجز يقدر يبلغنا مكان سكنه على الايفنت و نحاول نرتبها ان حد من الفريق يقابله

الحجز ممكن يتم عن طريق خدمة كاش .. سواء فودافون , موبينيل او اتصالات كاش

ازاى تدفع عن طريق خدمة كاش :

1- تزور اقرب فرع ليك سواء فودافون , اتصالات او موبينيل
2- تاخد معاك البطاقة الشخصية و تكون متأكد ان الخط بأسمك
3- تطلب الاشتراك فى خدمة كاش
4- فودافون كاش ده عبارة عن رصيد ليكوا .. زى رصيد فى بنك كدة .. لازم بتحطوا رصيد معين فى الحساب بتاعكوا عشان بعد كدة تقدروا تحولوه لأى رقم تانى
5- ممكن تحطوا 100 جنيه مثلا فى رصيدكوا عشان تبعتوه علطول لأى حد و متبقوش مضطرين تروحوا تانى لفرع فودافون لو حابين تحجزوا معانا فى اى زيارة بعد كده
6- بتطلب منهم انك تحول 30 جنيه على رقمنا و بيقولك كل الخطوات المطلوبة منك تعملها
7- بعد متبعت المبلغ المطلوب بتيجى تبلغنا انك بعتهولنا و تقولنا الرقم اللى بعت منه .. و تبعتلنا اسمك و نقطة التجمع اللى هتجلنا فيها فى رسالة على الصفحة

الأرقام اللى تحولوا عليها :
فودافون: 01001145991
اتصالات: 01111944114

و اللى مش مشترك فى خدمة كاش يقدر ينزل يسأل فى أى محل سنترال فى المنطقة عنده .. بيبقوا مشتركين فى خدمة كاش على رقم عندهم .. فيحولنا الفلوس على اى رقم من دول و يبلغنا

** للأسف مش هيتم الحجز لأى شخص غير بعد الدفع

بعد ماتحولوا الفلوس بتبعتولنا رسالة على الصفحة بالأسم و نقطة التجمع اللى هتجولنا فيها و رقم التليفون

و للاستفسار عن أى حاجة تقدروا تتواصلوا بينا على الرقم ده 01005355493
 

"زيارة "شيلتر كارت

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.