لا يستوي
( نشاط فرز ملابس - المهندسين )

13 يونيو 09 صباحاالى14 يونيو 08 مساءا
المطلوبين
500
المشتركين
14
المهتمين
4

رسولنا الكريم لما وصانا ب"ثلث لطعامك، ثلث لشرابك، ثلث لنفسك" كان علشان تحقق المساواة بين جسمك فتقدر تعمل واجباتك بكل اريحية ..

دايماً بيبقى فيه خلل في حياتنا بسبب النقص في المعادلة ديه..مش قادرين نصلي،مش قادرين نذاكر، مش قادرين نقرأ قرآن، مش قادرين مش قادرين.. ومع الوقت بننسى 
نجاهد نفسنا في تحقيق المعادلة ديه حتى ولو كنا في شهر رمضان.. 

وعلشان نحقق التكافؤ ده هنحتاج نبذل مجهود ونرفع همّتنا خلال الشهر بإقتناص الفُرص.. 
ربنا سبحانه وتعالى بيقول "لا يستوي القاعدون من المؤمنين غير أولي الضرر والمجاهدون في سبيل الله بأموالهم و أنفسهم "
مش هيستوي ابدا اللى بيقعد في البيت زي اللى بينزل يشارك بمجهوده وفلوسه في سبيل الله.. 
ف علشان كده حاولنا نساعدكوا وحضرنالكوا روشتة تمشوا عليها خلال الشهر معانا تكون خيرٌ هَديْ لينا كلنا في شهر رمضان 

- خطتنا خلال الشهر: 

▪ هنبقى شغالين فرز يومياً، زائد الاتنين والخميس من كل أسبوع إفطار جماعي
▪تحضير مائدة رحمن كل اتنين داخل الفرع 
▪ ورشة إتصالات يوم الحد والاربع من كل أسبوع من 12 ل 5
▪ معرض ملابس مجاني لأكثر من 120 أسرة وتوزيع وجبات هنحضرها بنفسنا وشنط غذائية كل جمعة خلال الشهر موزعين كالاتي : 
- معرض الوراق 25/5 وجبات افطار
- معرض كفر حجازي 1/6 وجبات افطار 
- معرض الفيوم 8/6 شنط غذائية


و الحدث الاهم و الاكبر طبعا هو الكساء .. اكبر معرض مجاني و دا هنتكلم عنه كتير بعدين

▪وزي رمضان اللي فات ما قدرنا نخرج غارمات من السجن عشان يلحقوا العيد مع عيالهم فالسنادي سعينا فاننا نجيب غارمات تاني و نحاول نخرجهم تاني .. و مش هيخرجوا غير بمساعدتكوا و دعمكوا 
-------------------------------------------------------------------------------------
وعلشان متفوتش الخير ده كله في شهر الخير ممكن تساعدنا في إنك:
▪ تشاركنا في فرز وتكييس الملابس
▪ تشاركنا في ورش الإتصالات كل حد و اربع
▪ تتبرع معانا للمساهمة في تحضير الوجبات والموائد او فك كرب غارمة

لو حابب تساعد بتبرع او بتطوعك معانا ..
املي الفورم ديه واحنا هنكلمك 
https://goo.gl/forms/PDIsmqb1zaxBX2Ui2

لا يستوي

قم بدعوة المزيد من المتطوعين لهذا العمل التطوعي.
من خلال البريد الالكتروني (استخدم "," لأاضافة المزيد من العناوين الالكترونية).
أو أدعي المزيد من متطوعي رسالة.