تحت شعار أحلي قصصنا..متطوعين رسالة سند لبعض

تحت شعار أحلي قصصنا..متطوعين رسالة سند لبعض

تحت شعار أحلي قصصنا يروي متطوعي جمعية رسالة قصة جديدة تُضاف لرصيد عطاء الجمعية الإنساني .

يحكي اسلام قصته ويقول " كنت مع زمايلي فى إسكندرية رحلة شغل وبعدها رجعت حلوان على 12 نص الليل بالصدفة كان في متطوعة معانا فى نشاط المكفوفين، بتعمل فى محل ملابس وبتخلص شغلها فى حدود 11بليل فأنا نازل من المترو لاقيت البنت واقعه على الأرض و بتصرخ أن موبايلها اتسرق منها وكان في اتنين من اللي سرقوه بيجروا والناس جريت اتلمت عليها، وبعدها عرفنا الحمدلله نمسك اللي سرقوا الموبايل، و أنا في الأول مش عارف مين البنت دي اصلا فلما شوفتها لاقيتها متطوعة معانا، وكان فى نقطة شرطة فالشرطي بيقولها إنتي لحقتى تكلمى أخواتك والناس فى البيت عشان ييجوا يقفوا معاكي فالبنت بصتلّْي قومت رديت على الشرطي قولتله: فيه أي مشكلة اساعد دي أختى الشرطي قاللي يا باشا مفيش أى حاجة والموبايل أهو بتاعها قولتله: ماشي وفين الناس قاللي: خلاص إحنا هنعمل محضر قولتله تمام أخدناه المتطوعة ووصلناها للبيت والحرامية اتجابوا واتعملهم محضر .